Құрметті теміржолшылар және сала ардагерлері!
Баршаңызды күн мен түн теңеліп, табиғат ана қайта жаңғырып, түлейтін Ұлыстың ұлы күні – Әз Наурыз мерекесімен шын жүректен құттықтаймын! Наурыз – кешірім мен мейірімнің, үміт пен сенімнің, ізгілік пен түсіністіктің, достық пен еркіндіктің мерекесі, салауатты өмірдің салтанаты, барша қазақстандықтардың ортақ мейрамы.
Ұлыстың ұлы күні өткен жылға есеп беріп, келешекке жоспар құратын шақ. Наурызда айтылған тілек қабыл болады деген де наным бар, сондықтан барлық игі істеріміз табыспен аяқталып, еңбегіміз жемісті болсын.
Сіздерге зор денсаулық, бақ-береке және толайым табыс тілеймін!
Әз Наурыз әр шаңыраққа шаттық пен қуаныш әкелсін!
Ұлыс оң, ақ мол болсын!
Оразғали АХМЕТБАЕВ,
«ҚАЗКӨЛІККӘСІП» ҚБ төрағасы
