«ҚТЖ» ҰК» АҚ Әлеуметтік саясат депар- таментінің ұйымдастыруымен 12 сәуірде басталған «Теміржол білгірлері» интеллекту- алдық турниріне қаты- суға 55 команда өтініш білдірді. Биыл екінші жыл өткізіліп отырған жарыстың іріктеу ке- зеңінде Орталық аппарат қызметкерлерінен құралған 9 команда өзара сайысқа түсті.
4 турдан тұратын байқауға Орталық аппарат қызметкерлері оффлайн, ал филиалдар мен еншілес ұйымдар қызметкерлері онлайн түрде қатысты. Ойынның бірінші туры – қызықты деректер, екіншісі – байланыстыру, үшіншісі – бейне сауал, төртінші тур – логикалық сұрақтар деп аталды. Әр команда 5 адамнан құралды. Жарыстың екінші және үшінші күндері компания филиалдары қызметкерлерінің арасынан құралған командалар өзара сайысты. Турнирдің бірінші ойын нәтижесінде финалға 3 команда жолдама алды. Атап айтқанда, заңгерлерден құралған «Legal service» командасы 24 ұпаймен, комплаенс қызметі бойынша «Неудержимые» командасы 23 ұпаймен және былтыр жеңімпаз болған Халықаралық ұйымдармен өзара іс-қимыл департаментінің «Феникс» командасы 22 ұпаймен алға шықты.
Жүргізуші сұрақтарды экранға шығарып және оларға түсініктеме берді. Сұрақ барлық командалар үшін бірдей болды. Әр тур 10 сауалдан тұрды. Ол сауалдардың әрқайсысына жауап беруге командаларға 30 секунд уақыт берілді. Әр дұрыс жауапқа 1 балдан қосылып отырды.
Жауаптарды командалар арнайы бланкілерге толтырды. Онлайн форматта қатысқандар жауапты WhatsApp желісі арқылы, оffline форматында қатысқандар қолма қол берді. Ең көп сұраққа жауап берген команда жеңіске жетті.
Сұрақтардың мазмұнына келсек, бірінші тур – қызықты деректер кезеңінде ғылыми саладағы әлемдік жаңалықтардан сұрақтар қойылды. Мәселен, әлемде ең көп сатылатын тауар қандай, адам денесінің ең жұқа тері қабаты орналасқан бөлігі қайсы, Астананың бас жоспарын жасаған белгілі сәулетші кім деген сияқты сұрақтар қойылды. Екінші турда түрлі көріністер бейнеленген үш суретке қарап, оларды біріктіретін ортақ тақырыпты табу керек болды. Ал үшінші турда «ҚТЖ» ҰК»АҚ басқарма төрағасының орынбасары Қанат Әлмағамбетов, «Қазкөліккәсіп» ҚБ төрағасының орынбасары Жұпарбек Сәбитов, компанияның аппарат басшысы Серік Кеулімжаев және басқа да басшылар теміржол және кәсіподақ тарихына қатысты бейнесауалдар жолдады. Соңғы тур адам ойының ұшқырлығы мен тапқырлығын екшейтін логикалық сұрақтардан тұрды. Келесі күні ойынға онлайн қатысқан филиал қызметкерлерінен құралған 40-тан астам командаларға да жоғарыдағыдай сұрақтар қойылды.
Байқаудың екінші күні былтыр осы жарыстың күміс жүлдегері атанған семейлік «Совет шести» және Астанадан «Кто, если не мы?» және «Семей» командалары жеңіске жетті.
Ал үшінші күнгі жарыста «ҚТЖ Экспресс» АҚ-дан «Двойной экспрес», «Жолаушылар локомотиві» ЖШС-нен «Diesel», Ақтөбе ЖТ бөлімшесінен «4+1» және Семей ЖТ бөлімшесінен «Пирамида» командалары жоғары ұпай жинады. Барлығы 10 команда жеңімпаз ретінде марапатталып, диплом және арнайы сыйлықтарға ие болды.
Ұлан ОРАЗ
Суретті түсірген Олжас АХМЕТОВ
