Өткен жылы «Қазақстан темір жолы» ұлттық компаниясының теміржолмен жүк тасымалдау көлемі 14 пайызға артқан. Бұл туралы «Самұрық-Қазына» қорының экономика және қаржы жөніндегі директоры Назира Нұрбаева мәлім етті.
«Қазақстан темір жолы» компаниясының 2022 жылғы жүк айналымына қатысты көрсеткіші 245 млн тонна шақырым болды. Бұл алдыңғы 2021 жылғы көрсеткіштен 5 пайызға артық. Оның ішінде экспорттық тасымал 10,3 пайызға артты. Транзиттік жүк көлемі 14 пайызға ұлғайды» деп мәлімет берді ол қорда өткен баспасөз мәслихатында.
Ол сондай-ақ қорға қарасты өзге компаниялар жұмысына да шолу жасады. Мысалы, өткен жылы Air Astana мен Qazaq Air әуе компанияларының жолаушылар тасымалдаудағы жиынтық көлемі 7,9 млн жолаушы болғанын атап өтті. Бұл алдыңғы 2021 жылғы көрсеткіштен 10 пайызға жоғары.
Райхан Рахметова
