2024 жылғы қаңтар-маусым қорытындысы бойынша ҚТЖ желісінде 122 млн тоннадан астам жүк тасымалданды, деп хабарлайды Rail-news.kz.
Республикаішілік тасымалдар өткен жылдың сәйкес көрсеткішімен салыстырғанда 2,1% өсіп, 81,5 млн тоннадан асты. Экспортқа 41 млн тоннадан астам жүк жөнелтілді. Тас көмірдің тасымалданған көлемі 47,5 млн тоннаны құраса, оның ішінде республика бойынша – 34,8 млн тонна.
Ел ішінде астық тасымалдау көлемі 5%, яғни 1,1 млн тоннаға дейін өсті. Осы жылғы қаңтар-маусым қорытындылары бойынша ұнтақ өнімдерін тасымалдау 5,4%, яғни 1,6 млн тоннаға дейін, ел ішінде 8%-ға өсті.
2024 жылдың бірінші жартыжылдығында қара металдарды тасымалдау 7,2%, 2,2 млн тоннаға дейін, темір кені мен марганецті тасымалдау 9,6%, 10,5 млн тоннаға дейін, түсті кен мен күкірт шикізатын тасымалдау 13%, 12,1 млн тоннаға дейін ұлғайды.
Мұнай жүктерінің экспорты 8,3% (2,7 млн тонна), қара металдардың экспорты 6% (1,6 млн тоннаға дейін), химиялық тыңайтқыштардың экспорты 10% (648 мың тонна), темір кені мен марганецтің экспорты 4% (5,6 млн тонна), құрылыс жүктерінің экспорты 68% (267 мың тонна) ұлғайды.
![You are currently viewing 122 млн тоннадан астам жүк тасымалдады](https://kazproftrans.kz/wp-content/uploads/2024/07/polgoda2024.jpg)